Талдықорғанда 18 жастағы Нұрай Берікмұлаева TikTok әлеуметтік желісіндегі тікелей эфир барысында былапыт сөздер айтып, қоғамдық тәртіп пен айналасындағыларға құрметсіздік танытқан.
Бұл дерек полиция қызметкерлерінің әлеуметтік желілерге жүргізген мониторингі кезінде анықталды. Жинақталған материалдар тиісті шешім қабылдау үшін уәкілетті органға жіберілді.
Сот қаулысымен қыз әкімшілік жауапкершілікке тартылып, оған 20 АЕК көлемінде айыппұл салынды.
Полиция өкілдері интернет кеңістігінде де заң талаптарын сақтау керектігін ескертеді. Әлеуметтік желілерде, оның ішінде тікелей эфир кезінде жасалған құқық бұзушылықтар үшін заңнамаға сәйкес жауапкершілік қарастырылған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
