Америкалық Apple корпорациясының атқарушы директоры Тим Кук бұл қызметтен алдағы он 10 жыл ішінде кетуі мүмкін екенін мәлім етті, деп хабарлайды Inbusiness.kz порталы The New York Times газетіне сілтеме жасап.
Көрсетілген мерзім ішінде ол Apple-ді басқара ма деген сұраққа Кук: "Тағы 10 жыл бұл қызметте қалуым екіталай", – деді.
Ол қазіргі уақытта компаниядан нақты қашан кететіні белгісіз екенін және әзірге жоспарда жоқ екенін айтты.
Кук Apple компаниясының директорлығын атқарып болғаннан кейін де немен шұғылданатынын білмейтінін мәлімдеді. "Мен бұл компанияны қатты жақсы көремін, сондықтан онсыз өмірімді елестету қиын", – деді ол.
Кук Apple корпорациясын 2011 жылдың тамызынан бастап басқарады. Қазір оның жасы 60-та.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
