Елге танымал кәсіпкер-меценаттар Тимур Құлыбаев, Қайрат Боранбаев және Кеңес Рақышев жағдайы төмен және көпбалалы отбасыларға азық-түлік жиынтығын сатып алу үшін қаржылай көмек бөлді. Қаржылай көмектің операторы – "Халық" қайырымдылық қоры.
Бұл көмек елде ТЖ режімінің енгізілуі мен карантин шаралары салдарынан қиын жағдайға тап болған тұрғындарға бағытталған.
Бүгінде аталған бастаманың операторы болып табылатын "Халық" қайырымдылық қоры 20 мың азық-түлік жиынтығын құрады. Қазіргі уақытта бұл көмек аймақ әкімдіктері берген тізіміге сәйкес таратылуда. Жалпы көлемі 1200 тонна құрайтын азық-түлік жиынтықтары Қазақстанның барлық аймақтарында жағдайы төмен отбасыларға таратылатын болады.
Сонымен, ел кәсіпкерлері қиын сәттерде көмекке мұқтаж жандарға қол ұшын созып, өздерінің әлеуметтік жауапкершілігін тағы да танытты.
