Бұл туралы базалық мөлшерлеме туралы брифингте ҚР Ұлттық Банк Төрағасы Тимур Сүлейменов айтты.
"Ұлттық Банк дезинфляциялық ақша-кредит саясатын іске асыруды жалғастырады. Біз инфляциялық таргеттеу режимінің қағидаттарына сүйенеміз. Бұл ретте біз ақша-кредитті және фискалдық саясатты үйлестіруді күшейту үшін Үкіметпен тығыз әрі белсенді қарым-қатынаста жұмыс істейтін боламыз. Біздің бірлескен іс-әрекеттеріміз Қазақстан азаматтарының әл-ауқаты өсуі үшін макроэкономикалық жағдайлар жасауға ықпал етеді деп сенемін. Біз ортамерзімді таргетті 5% көлемінде жеткізе алатынымызды сеніммен айта аламыз. Ұлттық Банктің басты міндеті – бағаның тұрақтылығын қамтамасыз ету. Біз ортамерзімді келешекте инфляцияны 5%-тік белгіленген мақсатқа жеткізуге барлық күш-жігерімізді жұмсаймыз", – деді спикер.
