Биылғы жылдың қаңтар-сәуірінде Қазақстанда арақ өндірісі 2,4 есеге, 16,1 млн литрге дейін және коньяк 20,3%-ға, 4,2 млн литрге дейін артты, деп жазды inbusiness.kz тілшісі energyprom.kz-ке сілтеме жасап.
Бұл ретте жүзім шарабы өндірісі (35,1%-ға, 8,8 млн литрге дейін), оның ішінде газдалған шарап (бірден 70,3%-ға, небәрі 267,2 мың литрге дейін) қысқарды.
Ликерлер (9,2%-ға, 679,7 мың литрге дейін) мен сыра (3,5%-ға, 208,7 млн литрге дейін) өндірісі де қысқарған.
Биылғы жылдың бірінші тоқсанының қорытындысы бойынша жергілікті компаниялар сыраға сұранысты (экспорт пен ішкі сатылымдар) бір жыл бұрынғы 92,9%-ға қарсы 90,7%-ға қамтамасыз етті. Саладағы импорт көлемі бір жылда 39,4%-ға өсіп, 16,4 млн литрге жетті.
Нарықты жергілікті өндірістегі арақпен және алкогольдік өнімдермен қамтамасыз ету бір жыл бұрынғы 75,7%-ға қарсы 83,5%-ды құрады. Импорт өткен жылмен салыстырғанда 0,7%-ға азайып, 2,4 млн литрге дейін төмендеді.
Шарапқа деген сұраныс 64,2% қамтамасыз етілді. Импорттың үлесі тиісінше 35,8%-ды құрады. Елге 2,8 млн литр шарап әкелінді, бұл бір жыл бұрынғыдан 34,7%-ға артық.
2022 жылдың сәуір айының қорытындысы бойынша алкогольдік өнімдердің бағасы бір айда 2,6%-ға, жыл басынан бері 6,8%-ға және бір жылда 11,7%-ға өсті. Ай сайынғы динамикада арақ бір айда 2,4%-ға, шарап пен сыра 2,6%-ға қымбаттады. Жылдық динамика бойынша шарап – 9,5%-ға, арақ – 10,2%-ға, сыра – 15,4%-ға қымбаттады.
ТМД елдерінің ішінде Қазақстан алкоголь бағасының қымбаттығымен ерекшеленбейді. Мысалы, Numbeo.com сайтының мәліметі бойынша, Қазақстанда орташа санатты шараптың бір бөтелкесі 5,76 доллар тұрады. 0,33 литрлік бөтелкелерде сатылатын импорттық сыра 1,39 доллар тұрады, жергілікті өндірілген сыра 0,5 литрлік бөтелкеге 0,72 долларды құрайды (ең төменгі баға).
Ең қымбат шарап Ресейде (9,67 доллар), импорттық сыра (2,16 доллар). Жергілікті өндірілген сыра Әзірбайжанда ең қымбат деп есептеледі – 1,15 доллар.
Құралай Құдайберген
