Оның айтуынша, Одаққа мүше мемлекеттер 2025 жылға дейінгі өнеркәсіптік ынтымақтастықтың бағдарламалық бағытын іске асыру жөніндегі іс-шаралар жоспарының жобасын мақұлдаған.
"Бұл бағытта Ресей Федерациясымен жүйелі түрде жұмыс істеп жатырмыз. Соңғы 2 жылда бірқатар ірі өнеркәсіп жобасы жүзеге асырылды. Мысалы, "Лукойлмен" бірлескен жанар-жағармай материалдарын өндіру зауыты, "КамАЗбен" бірге автомобиль бөлшектерін өндіру бойынша екі жоба, "Татнефтьпен" бірге шиналар өндіретін зауыт және басқа да бірқатар маңызды жоба бар", – деді Мемлекет басшысы.
Қасым-Жомарт Тоқаевтың пікірінше, одақ елдері арасында өнеркәсіптік ынтымақтастықтың әлеуеті әлі ашылмаған.
"Ірі және өзекті инвестициялық жобалардың тапшылығы бар. Үкіметтерге интеграциялық өзара іс-қимылдың осы векторын күшейтуді тапсырған дұрыс деп санаймын", – деді Президент.
Дәурен Ерболат
Atameken Business Telegram каналына жазылып, маңызды ақпараттардан бірінші болып құлағдар болыңыз!
