"Президент қазір 5 жылдық мерзімге сайланады, ал 5 жылдық мерзімнен кейін немесе мерзімінен бұрынғы сайлауда ол 7 жылдық мерзімге сайлана алады деп түсінуіміз керек пе?", – деген сұрақ қойылды.
Вице-министр мұның бәрі бірқатар факторға байланысты екендігін айтты.
"Біріншіден, тиісті заң жобасы Президент сайлауының күніне қарай енгізіле ме, оны қабылдау оған дейін немесе кейін бола ма, заң жобаларында қамтылған бұл нормаларды қолданысқа енгізу мерзіміне байланысты", – деді ол.
Ведомство өкілі айтқанын мысалмен түсіндіріп берді.
"Егер тиісті заң жобасы Парламентке қыркүйек айында ұсынылып, қазан айында қабылданып, сайлау қарашаға белгіленсе, ал заңда оның қол қойылған күнінен бастап күшіне енетіні туралы нормалар болса, онда жаңа президент сайланғанда ол Конституцияның жаңа баптарын басшылыққа алатын болады, бұл 7 жыл және бір рет дегенді білдіреді", – деп қорытындылады Алма Мұқанова.
