Спорт және дене шынықтыру комитетінің төрағасы Серік Сәпиев 2020 жылы Токиода өтетін Олимпиада ойындарына қанша жолдама алу көзделгенін айтты.
"Жолдама бойынша Рио-де-Жанейрода өткен Олимпиаданың межесінен кем түспеуді көздеп отырмыз. Шатаспасам, Риода 104 жолдама болды-ау деймін. Токиоға да кемінде 100 жолдама алуымыз керек деп ойлаймын", – деді ол баспасөз мәслихатында.
Оның айтуынша, дәл қазір олимпиада лицензиясына жеңіл атлет Ольга Рыпакова мен жүзуші Дмитрий Баландин ғана қол жеткізген.
"Медальдің көбін бокс пен жекпе-жек түрлерінен күтеміз. Күрес түрлерінен өткен әлем чемпионатының нәтижелерін талдап, қорытындыладық. Нұр-Сұлтанда жүлдеге ілінгендер Токиода да медальға таласады", – деді ол.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
