/img/tv1.svg
RU KZ
Тоқтар Төлешовтен 1 млрд 215 млн теңгенің мүлкі өндірілді

Тоқтар Төлешовтен 1 млрд 215 млн теңгенің мүлкі өндірілді

Сот шешіміне сәйкес, 2017 жылдан мемлекеттік сот орындаушының өндірісінде Т.Төлешовтен мемлекет пайдасына 1,4 млрд.теңге өндіру туралы атқару құжаты  келіп түскен. 

16 Қыркүйек 2019 19:26 1106

Тоқтар Төлешовтен 1 млрд 215 млн теңгенің мүлкі өндірілді

Десе де, сол кезден бері сот шешімін жүзеге асыру сағызша созылып, мәселе туындатқан. Нақтырақ айтқанда, іс-құжаттарды зерделеу нәтижесінде «Дархан group» ЖШС-нің жарғылық капиталындағы активтері ретінде берілген борышкер Т.Төлешовке тиесілі мүліктері анықталған.

Алайда, Шымкент қаласы прокуратурасының тікелей араласуымен мемлекеттік сот орындаушы Төлешовке тиесілі жер учаскелері, екі үй, Фосфоршылар мәдениет үйі секілді мүліктерге бағалау жүргізіп, нәтижесімен соттың ұйғарымы негізінде олар мемлекет пайдасына өткізген.

«Айтылғандардың негізінде, атқару өндірісінің аясында Т.Төлешовке қатысты сот үкімі орындалып, жалпы сомасы 1 млрд. 215 млн. теңгені құрайтын борышкердің мүлкін бюджетке түсуі қамтамасыз етілді. Сот үкімінің әрі қарай орындалуы бақылауда», - деп хабарлайды Шымкент қаласының прокуратурасы.

Есеріңізге сала кетейік, 2017 жылы бұрынғы «сыра королі» Тоқтар Төлешовті Шымкент қаласындағы Еңбекші аудандық соты қылмыстық кодекстің бірнеше бабы бойынша кінәлі деп танып, 21 жылға бас бостандығынан айырған болатын.

Сондай-ақ, мемлекет пайдасына айыпталушы Төлешовтен ( сол кездегі ОҚО) прокуратурасының талап еткен 1 млрд 352 млн теңгесін және БАЖ салығы ретінде 41 млн 057 мың теңгені, сондай-ақ сараптамаларға жұмсалған 3 млн 010 мың теңге өндірілетін болған.

Арай Есенбек

«ҚТЖ – Жүк тасымалы» АҚ-ға 1 млн теңге көлемінде айыппұл салынды

Төрт жүзден астам жұмысшыға ашық ауада жұмыс істегені үшін жалақыларына қосымша ақы төленбеген.

16 Қазан 2019 17:25 483

Қызылорда көлік прокуратурасымен «ҚТЖ – Жүк тасымалы» АҚ-ның Қызылорда бөлімшесінде жұмысшылардың еңбек құқықтарының бұзылғандығы анықтады.

Ведомствоның баспасөз қызметінің хабарлауынша, еңбек заңнамасының және ұжымдық келісім-шарттың талаптарына қарамастан мыңнан астам жұмысшы арнайы киімдермен толықтай қамтамасыз етілмеген, сондай-ақ төрт жүзден астам жұмысшыға ашық ауада жұмыс істегені үшін жалақыларына қосымша ақы төленбеген (+35С градустан жоғары).     

«Прокуратурамен қабылданған шаралар нәтижесінде жұмысшылардың құқықтары толығымен қалпына келтіріліп, арнайы киімдер беріліп, төлем ақылар толық мөлшерде аударылды»,– делінген хабарламада.

Сондай-ақ, «ҚТЖ – Жүк тасымалы» АҚ-на қатысты әкімшілік құқықбұзушылық туралы кодекстің 97-бабы 3-тармағы бойынша әкімшілік құқық бұзушылық туралы хаттама толтырылып, 1 млн теңге айыппұл салынған (400 АЕК)».        

«Ailand Astana»-ға 391 мың теңге көлемінде айыппұл салынды

Санитарлық-эпидемиологиялық талаптарды бұзған «Ailand Astana» ЖШС-ға әкімшілік жаза қолданылды.

25 Қыркүйек 2019 10:33 447

ҚР ДСМ тауарлар мен көрсетілетін қызметтердің сапасы мен қауіпсіздігін бақылау комитетінің баспасөз қызметі астаналық тұрғынның шағымынан кейін, елордадағы Ailand демалыс орталығындағы бассейн суы тексерілгенін хабарлады.

Баспасөз қызметінің ақпаратына сүйенсек, Нұр-Сұлтан қаласы тауарлар мен көрсетілетін қызметтердің сапасы мен қауіпсіздігін бақылау департаментінің  Есіл ауданы тауарлар мен көрсетілетін қызметтердің сапасы мен қауіпсіздігін бақылау басқармасы 5-11 қыркүйек арасында Ailand отбасылық демалыс орталығындағы бассейн суына тексеру жүргізген. Сараптама нәтижесінде судың санитарлық талаптарға сай еместігі анықталыпты.

Санитарлық-эпидемиологиялық талаптарды бұзған «Ailand Astana» ЖШС-ға әкімшілік жаза қолданылды, 391 375 теңге көлемінде айыппұл салынды.