2021 жылдың бірінші жартыжылдығының қорытындысы бойынша Қазақстанда 356,3 мың POS-терминал болды, оның 347,7 мыңы сауда нысандарында орналасқан, деп хабарлайды inbusiness.kz finprom.kz-ке сілтеме жасап.
Бір жыл ішінде олардың саны бірден 91,1% -ға өсті, ал бір жыл бұрын өсім 32,2% болған.
Барлық POS-терминалдардың жартысынан көбі тек үш аймақта орналасқан: олардың көпшілігі Алматыда (96,6 мың құрылғы), одан кейін Нұр-Сұлтанда (58,8 мың) және Қарағанды облысында (29,6 мың).
Қазақстандық және шетелдік эмитенттер шығарған төлем карталарын қолдана отырып, қолма-қол ақшасыз төлемдердің көлемі бір жылдың ішінде екі еседен аса өсті, биылғы жылдың қаңтар-шілдесінде 6,1 трлн теңгені құрады.
Бұл ретте қолма-қол ақшасыз төлемдердің жалпы көлеміндегі POS-терминалдар үлесі төмендегені байқалады. Мәселен, өткен жылы ол 19,2%-дан 16,9%-ға дейін төмендеді. 2019 жылдың бірінші жартысында олардың үлесі 33%-ға жетті.
Бір жыл ішінде POS-терминалдар арқылы қолма-қол емес есеп айырысу бойынша операциялар саны 87,2%-ға, 1,1 млрд транзакцияға артты. Бір операция бойынша орташа чек 10,3%-ға өсіп, 5,6 мың теңгені құрады.
Құралай Құдайберген
