16 наурыз-15 сәуір аралығында жарияланған төтенше жағдай режимі кезінде ірі сауда нысандарының жұмысына шектеу қойылса да, базарлар мен азық-түлік маркеттері жұмысын жалғастыра береді. Бұл туралы Сауда және интеграция министрлігінің баспасөз қызметі ресми ақпарат таратты.
"Респбуликада жарияланған төтенше жағдай кезінде азық-түлік маркеттері мен базарлар өз жұмысын жалғастырады. Қазақстан Презизенті Қасым-Жомарт Тоқаевтың төтенше жағдай енгізуі туралы Жарлығында айтылғандай, ірі сауда нысандарының қызметі шектеледі, халық көп жиналатын сауда-ойын-сауық орталықтарының жұмысы уақытша тоқтатылады. Азық-түлік дүкендері де, басқа да шағын дүкендер, сауда-ойын-сауық орталықтарынан тыс орналасқан өзге де шағын және орта бизнес нысандары иесінің қалауына қарай жұмысын жалғастыра алады",– деп жазылған ресми ақпаратта.
