Төтенше жағдай режимі сәуірдің соңына дейін созылатын болды. Бұл туралы мемлекеттік комиссияның мүшесі мәжіліс депутаты Владимир Божко мәлім етті, деп хабарлайды Интерфакс-Қазақстан басылымы.
"Төтенше жағдай режимі сәуір айының соңына дейін созылады. Ал шағын және орта бизнеске осы орайда бірқатар жеңілдік қарастырылады", – деді Божко.
Еске сала кетсек, жаңа коронавирус пандемиясына байланысты елімізде 16 наурыздан бастап 15 сәуірге дейін ТЖ режимі енгізілген болатын. Індетпен күрес мақсатында мемлекет басшысы Қасым-Тоқаевтың №285 жарлығына сәйкес, мемлекеттік комиссия құрылған. Оның құрамына Президент әкімшілігі, Сенат, Мәжіліс және Үкімет мүшелері кіреді. Штабқа жетекшілік ету міндеті Премьер-министр Асқар Маминге жүктелген.
Табиғат Нұрболат
