Төтенше жағдайлар министрі Сырым Шәріпханов ант берді.
"Өздеріңіз білетіндей, Сырым Дүйсенғазыұлы өткен апта бойы Абай облысындағы орман өртін сөндіру жұмыстарының басы-қасында болды. "Қазақстан Республикасының Үкіметі туралы" Конституциялық заңға сәйкес, Үкіметтің жаңа мүшесінің ант беруін сұраймын", - деді Премьер-Министр Әлихан Смайылов Үкімет отырысында.
"Қазақстан Республикасының халқы мен Президентінің алдында өз Отаным Қазақстан Республикасының экономикалық және рухани даму ісінде барлық күш-жігерім мен білімімді жұмсауға, мемлекеттік Конституцияның заңдарын қатаң сақтауға, өзімнің барлық іс-әрекетімде заңдылық пен әділеттік, азаматтық, ұлтаралық және конфессияралық татулық принциптерін ұстануға, Қазақстан халқына адал қызмет етуге, өз елімнің мемлекеттігі мен дүниежүзілік қоғамдастықтағы беделін нығайта беруге салтанатты түрде ант етемін", - деді Төтенше жағдайлар министрі Сырым Шәріпханов.
Үкімет басшысы жаңадан тағайындалған министрдің жұмысына сәттілік тіледі.
Айта кетейік 10 маусым күні Сырым Шәріпханов Қазақстан Республикасының Төтенше жағдайлар министрі болып тағайындалғанын жазған болатынбыз.
