АҚШ президенті, республикашыл Дональд Трамп биліктегі британ лейбористер партиясын Америкадағы сайлауға "араласқаны" үшін айыптады, деп жазады inbusiness.kz сайты.
Трамптың жақтаушылары лейбористер өздерінің партия мүшелерін соңғы апталарда Демократиялық кандидат Камала Харрис үшін үгіт-насихат жүргізуге жібергенін айтады.
Шағым мәтінінде лейбористтік шенеуніктердің Камала Харристің сайлауалды науқанына көмек беруі "шетелдік заңсыз қайырымдылықпен" бірдей және дереу тергеу жүргізуді талап ететін заңға қайшы әрекет.
Шағымда Wall Street Journal және Telegraph газеттерінің британдық лейборист стратегтері Харриске кеңес бергені және Лейбористтік партияның жоғары лауазымды шенеуніктері мен Демократиялық партия шенеуніктері арасындағы кездесулер туралы мәліметтер келтірілген.
DonaldJTrump.com сайтындағы мәлімдемеде лейбористер "ультрасолшылдар" деп аталып, олар Демократиялық партиядан үміткер Камала Харристі "қауіпті" саясат жүргізуге итермелегені айтылған.
Британ премьер-министрі Кейр Стармер бұл айыптауларды жоққа шығармады, бірақ "еріктілер" бос уақытында Харристің науқанына көмектесетінін және олардың сапарлары партия тарапынан ұйымдастырылмаған немесе қаржыландырылмағанын айтты.
"Олар алдыңғы сайлауда да солай істеді және бұл сайлауда да өз әдетінен айнымады", - деді Ұлыбритания премьер-министрі. Ол сондай-ақ Трамппен "жақсы қарым-қатынаста" екенін атап өтті.
