АҚШ Президенті Дональд Трамп инаугурация кезінде америкалық астронавттарды Марсқа жіберу бойынша экспедицияны ұйымдастыруға уәде берді, деп хабарлайды inbusiness.kz сайты.
"Біз астронавттарымызды Марс ғаламшарында туымызды орнату үшін жібереміз", – деді Дональд Трамп.
Осы мәлімдемеден кейін трансляцияда SpaceX компаниясының негізін қалаушы Илон Масктың қуанған сәті көрсетілді. Оның компаниясы ғаламшарды зерттеумен айналысады.
20 қаңтарда АҚШ-тың 47-ші президенті Трамптың ант беру рәсімі өтті. Инаугурацияда ірі технологиялық корпорациялардың басшылары қатысты. Атап айтқанда, шараға Meta бас директоры Марк Цукерберг, Amazon негізін қалаушы Джефф Безос, Apple бас директоры Тим Кук, Google бас директоры Сундар Пичай келді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
