Дональд Трамп АҚШ президенті қызметіне кірісті. Ол АҚШ жоғарғы сотының төрағасы Джон Робертске ант берді. Жасы жетпістегі бизнесмен Трамп бұрынғы мемлекет басшысы, екі мерзімге сайланған Барак Обаманың орнына келіп, АҚШ-тың 45-президенті атанды, деп хабарлайды "РИА Новости" агенттігі.
"Мен, Дональд Трамп, Құрама штаттардың президенті қызметін адал атқаруға және Құрама штаттардың Конституциясын қолдауға, сақтауға және қорғауға бар күшімді жұмсауға салтанатты түрде ант етемін", – деді оң қолын көтеріп, сол қолын Інжілге қойған Трамп.
Бұдан кейін АҚШ жоғарғы сотының төрағасы Джон Робертс Трампты қызметке кіріскенімен құттықтады, ол отбасына бұрылып жақындарын құшақтады.
Ұлықтау рәсімі барысында сөйлеген сөзінде Трамп АҚШ-тың және әлемінің даму бағытын ұзақ жылдарға алдын-ала анықтауға уәде берді және билікті Ващингтоннан халыққа беретінін мәлім етті.
