АҚШ-тың жаңа президенті Дональд Трамп қызметкерлерді жұмыстан босатып, өндірісті АҚШ-тан тысқары жерлерге әкететін америкалық компаниялардың өніміне салықты жоғарылататынын айтып ескертті, деп хабарлайды vestifinance.ru.
Бұл жөнінде әлеуметтік желілерде бірнеше мәрте хабарлама жасаған Дональд Трамп АҚШ-та қызметкерлерді жұмыстан босатып, басқа елдерде өндіріс ашатын компаниялардың өніміне салықты 35 пайызға дейін көтеретінін мәлімдеді.
Жаңадан сайланған президент компанияларды "салдары ауыр болатын қателіктер" жасамауға шақырды.
"АҚШ-та бизнеске салынатын салық пен мемлекеттік реттеу өте төмен, алайда өзге елге кететін, қызметкерлерін жұмыстан шығаратын, басқа елде жаңа фабрика немесе зауыт салатын және өнімін қайтадан әкеліп АҚШ-та саудалайтын кез келген компания үлкен қателік жасайды. Автомобиль, кондиционер және басқа да өнімдерін қайтадан шекара асырып АҚШ-та саудалағысы келетін мұндай компаниялар үшін салық 35%-ға көлемінде белгіленбек", – деп мәлімдеді Трамп.
