АҚШ президентінің әкімшілігі Біріккен ұлттар ұйымы мен басқа да халықаралық ұйымдарға бөлінетін қаржыландыруды 40%-ға қысқарту туралы жарлық дайындап жатыр, деп жазады "КоммерсантЪ" басылымына сілтеме жасаған reactor.inform.kz.
Бұдан бұрын президент әкімшілігінің баспасөз хатшысы Дональд Трамптың АҚШ-тың БҰҰ мен НАТО-ға қаржы құюын құптамайтынын жеткізген.
Бұл шешім қабылданса БҰҰ-ның жұмысы өзгереді. Себебі бейбітшілік миссиясының 25%-ын АҚШ қаржыландырады.
Бұған дейін Трамп БҰҰ-ның зор әлеуетке ие екенін, бірақ "уақытты жақсы өткізуге болатын жерге" айналғанын айтқан болатын.
Дональд Трамп Палестина автономиясы кіретін ұйымдарды, сондай-ақ Иран мен Солтүстік Кореяға салынған санкцияларды сырт айналып жұмыс істейтін өзге де құрылымдарды қаржыландыруды толықтай тоқтатуды жоспарлап отыр.
