АҚШ президенті Дональд Трамп 2021 жылға арналған бюджет пен экономиканы ынталандыруға бағытталған 900 млрд доллар көлеміндегі қаражатты бекітті.
Бұған дейін құжатқа Құрама Штаттар Сенаты мен өкілдер палатасы қол қойған еді.
Ақ үй, Республикалық және Демократиялық партияларының қос палатадағы өкілдері ақыры экономикалық көмектің көлеміне қатысты ортақ шешімге келді. Бұл қаражат жұмыссыздарға жәрдемақы төлеуге, әр жеке тұлғаға (ересектер мен балалар) 600 доллардан үлестіруге, экономиканың бірқатар саласын, білім беру жүйесін, шағын бизнесті қаржыландыруға бағытталады. Трамп ел тұрғындарына 600 доллардан көбірек қаржы берілуі керек деп мәлімдеген еді, бірақ ақыры осы бюджетті мақұлдады.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
