2025 жылғы 25 шілде, жұма күні кешке Глазго Прествик әуежайына қонғаннан кейін сөйлеген сөзінде Трамп Еуропа елдерін жел генераторларынан бас тартуға және көші-қонды шектеуге шақырды.
– Еуропа аспанында ұшып келе жатып, айналаңыздағы әсем алқаптар мен аңғарларды көрмек түгілі, әр бұрыштан бой көтерген жел генераторларына көзің түседі. Олар табиғи көріністерді бүлдіріп қана қоймай, құстарды да қырып жатыр, – деді Трамп.
Оның айтуынша, мұндай құрылғылар теңіз экожүйесіне де елеулі залал келтіруде.
АҚШ президенті сондай-ақ Еуропаға бағытталған көші-қон легін "қорқынышты басқыншылық" деп атап, оны дереу тоқтатуға шақырды.
– Бұл – Еуропаның ішкі тұтастығын шайқалтып жатқан басқыншылық. Жел генераторлары табиғатты қалай өзгертіп жатса, миграция да Еуропа қоғамын солай бұзып жатыр, – деп мәлімдеді Трамп.
