Оның сөзінше, Америка Құрама Штаттары Иран әуе кеңістігін толығымен бақылауға алған, деп жазады inbusiness.kz сайты.
– Қазір біз Иранның әуе кеңістігін толық бақылауда ұстап отырмыз. Иранда әуе кеңістігін бақылауға арналған жақсы жүйелер мен басқа да қорғаныс құралдары болды. Бірақ, олардың ешқайсысы АҚШ-та құрастырылған және өндірілген қаруларды алмастыра алмайды. Ешкім мұны АҚШ секілді жақсы жасай алмайды, – деп мақтанды Трамп.
Ал бүгін Иран болса, Израильдің аспанын толық бақылауға алғанын айтып, ескерту жасады.
Сонымен қатар, АҚШ президенті Иранның жоғарғы көшбасшысы аятолла Әли Хаменейдің қайда жасырынғанын білетінін айтты.
– Ол – жеңіл нысана, бірақ әзірге қауіпсіз жерде. Біз оны өлтіруді жоспарлап отырған жоқпыз. Бірақ біз бейбіт тұрғындарға немесе америкалық сарбаздарға зымыран ұшырылғанын қаламаймыз. Біздің төзіміміз таусылуға жақын – деп жазды ол.
Соңғы жазбасында Трамп бас әріптермен "ШАРТСЫЗ ТІЗЕ БҮГУ!" деп ескерту жасаған.
