Ақ үй басшысы Дональд Трамптың еуропалықтардың АҚШ-қа келуіне уақытша шектеу енгізгеннен кейін, шикізат бағасы 4%-ға арзандады. Brent сұрыпты мұнай баррелінің бағасы 34,41 доллар, ал WTI баррелінікі 31,66 доллар болды.
Негізгі индекстер де төмен көрсеткіштерге ие болды. Мысалы, S&P 500 фьючерстері 3%-ын жоғалтты. Азиядағы сауда ашылуында Nikkei 225 5%-ға, ал гонконгтік HSI 4%-ға қысқарды.
"Коронавирус жұқтырған еуропалықтардың елімізге енуін тежеу үшін осындай қадамға бардық. Бұл шектеу 13 наурызда күшіне енеді", – деді Трамп.
Белгілі болғандай, тек Британия елінің азаматтарына АҚШ-қа саяхаттауға рұқсат етілмек. Сонымен қатар жүк және тауар саудасына да шектеу қойылмайтын болды.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
