7 қарашада АҚШ-тың жаңадан сайланған президенті Дональд Трамп Ресей президенті Владимир Путинмен бейресми телефон арқылы сөйлесті.
Бұл туралы америкалық The Washington Post (WP) газеті хабарлады, деп жазады inbusiness.kz сайты.
WP ақпарат көздерінің хабарлауынша, америкалық саясаткердің өзі Флоридадағы курортынан Ресей басшысына телефон соққан. Әңгімелесу барысында Ақ үйдің бұрынғы басшысы "Ресей президентіне Украинадағы соғысты жалғастырмауға кеңес берді" және "Вашингтонның Еуропадағы әскери әлеуетін еске салды", – деп сендірді басылымның сұхбаттастары.
Трамп сонымен бірге соғысты "жылдам шешуді" талқылау үшін Владимир Путинмен алдағы уақытта байланыста болуға қызығушылық танытты. АҚШ-тың жаңадан сайланған президенті "кейбір басып алынған аумақтарды" Ресей бақылауында қалдыру нұсқасын қолдайтынын түсіндірді, деп жазады WP.
Басылым әңгіменің ресми түрде болмағанын атап өтті - Трамптың ауыспалы командасы әлі АҚШ Мемлекеттік департаментінің қолдауымен президентке қоңырау шалуға мүмкіндік беретін құжаттарға қол қоймаған. Бұған қоса, Трамп өзінің бірінші өкілеттігі кезіндегі телефон соғуларының стенограммалары тарағаннан кейін үкімет шенеуніктеріне сенімсіздік танытатыны айғақ.
