АҚШ-тың жаңа сайланған президенті Дональд Трамп Сирия туралы айтып, Украинадағы соғысты тоқтату үшін Ресеймен келісім жасасқысы келетінін айтты.
"Ресей мен Иран қазір әлсіреді: бірі Украина мен экономикасының құлдырауынан, екіншісі Израиль мен оның табысты жауынгерлік әрекеттерінен. Сол сияқты Зеленский мен Украина да мәмілеге келіп, бұл ақылға сыймайтын әрекетті тоқтатқысы келеді", – деп жазды Трамп.
Трамп тез арада атысты тоқтатып, келіссөздерді бастау қажеттігін айтты.
Айта кетсек, 2024 жылы 7 желтоқсанда Парижде Франция, АҚШ және Украина басшыларының кездесуі өтті. Бұл – Дональд Трамптың сайлаудағы жеңісінен кейінгі алғашқы шетелдік сапары, сондай-ақ оның Америка Құрама Штаттарының жаңа сайланған президенті ретінде Зеленскиймен алғашқы кездесуі болды. Көшбасшылар Францияға өрттен кейін қалпына келтіру жұмыстары аяқталған Нотр-Дам шіркеуінің ашылу салтанатына қатысты.
