Жапонияның бас полиция басқармасы АҚШ-тың экс-президенті Дональд Трампқа жасалған қастандықтан кейін саясаткерлердің қауіпсіздігін күшейтуге бұйрық берді, деп хабарлайды inbusiness.kz сайты NHK телеарнасына сілтеме жасап.
Бұйрық бүкіл ел бойынша саясаткерлердің көпшілік алдында сөз сөйлеуіне қатысты, әсіресе көрермендер аймағындағы қауіпсіздікті күшейту қажет.
Атап айтқанда, халық алдына шыққан саясаткерлердің өмірін қорғау үшін басқарма аймақтық бөлімшелерден бронды киім мен арнайы тығылатын орындарды пайдалануды талап етті.
2022 жылдың шілдесінде Жапонияның бұрынғы премьер-министрі Синдзо Абэ бұқара алдында өлтірілді. Өткен жылдың сәуірінде дәл сондай жағдайда Фумио Кисидаға қастандық жасалды. Осыдан кейін олар мұндай жиын алдында жеке заттарды тексере бастады, жақтау арқылы өту енгізілді, спикер мен көрермендер арасындағы қашықтықты арттырды. Алайда, Трампқа жасалған қастандықтан кейін қауіпсіздік шараларын одан әрі күшейтуге бұйрық берілді.
