8 желтоқсан күні Сүйеніш Әбділдин директорлар кеңесінің шешімімен басқарма төрағасы қызметіне тағайындалды. Бұл туралы inbusiness.kz сайты хабарлайды.
Сүйеніш Әбділдин 1990 жылы дүниеге келген. 2014 жылы Қазақстан-Британ техникалық университетін "Есептеу техникасы және бағдарламалық қамтамасыз ету" мамандығы бойынша бітірген. Сондай-ақ, 2014 жылы Бирмингем университетін (Ұлыбритания) тәмамдап, информатика магистрі дәрежесін алды.
2011 жылы Сүйеніш Әбділдин "Ұлттық ақпараттық технологиялар" АҚ-ның жетекші маманы болып қызмет атқарған. Ал 2012-2013 жылдары "EPAM Kazakhstan" ЖШС-де бизнес-аналитик болып жұмыс істеді. Бұдан бөлек, 2014-2018 жылдары "Қазпошта" АҚ-ның қызметкері болды.
Сонымен қатар, 2019-2020 жылдары Сүйеніш Әбділдин "Toolpar" ЖШС басқарушы серіктесі/бас директоры, сондай-ақ, Цифрлық даму, инновациялар және аэроғарыш өнеркәсібі министрлігінің кеңесшісі болып жұмыс істеді.
Одан кейін, 2022 жылдың сәуір айына дейін "Азаматтарға арналған үкімет" басқарма төрағасының бірінші орынбасары қызметін атқарды.
