Энергетика министрі Болат Ақшолақов бүгінгі үкімет отырысында "көлеңкелі экспорттың" алдын алу үшін бірнеше шара қабылданғанын мәлімдеді.
Олар:
- Өздігінен бак орнатқан көліктердің ел аумағына кіруіне тыйым салу;
- Транзиттік көліктің тәулігіне бір рет қана өтуі;
- Кейбір мұнай өнімін экспорттық кеден бажын төлемей, теміржол көлігіне тиеп жөнелтуіне тыйым салу;
- Уәкілетті органдар тарапынан шекарада мұнай өнімдерін автокөлікпен әкетуіне бақылауды күшейту;
- Автожанармай құю стансаларында импорттық отынға сараланған баға белгілеу мүмкіндігі;
- Көктемгі дала жұмыстарына дизель жеткізу рәсімдерін нақты регламенттеу;
- Бензин мен дизель отынын қоспағанда, мұнай өнімдері мен жартылай фабрикаттарға экспорттық кедендік бажды мұнайдың экспорттық кедендік бажының деңгейінен төмен емес ұлғайту мүмкіндігін қарастыру.
