Сочи жағалауынан табылған Ту-154 ұшағының апаты құрбандары арасынан көпшілікке Доктор Лиза атымен танымал Елизавета Глинканың денесі анықталды, деп хабарлайды РИА Новости агенттігіне сілтеме жасаған Sputnik Қазақстан.
"Оны анықтады, жерлеу шамамен дүйсенбіде өтеді", — деп хабарлады агенттікке дереккөз.
2016 жылғы 25 желтоқсан күні таңертең Мәскеуден Сирияға ұшқан Қорғаныс министрлігінің Ту-154 ұшағы Қара теңізде апатқа ұшырады. Ұшақтың бортында 93 адам – сегіз экипаж мүшесі мен 85 жолаушы, олардың ішінде сегіз әскери қызметкер, Александров атындағы ән және би ансамблінің 65 әртісі болған. Олар РФ ӘҒК-нің әуе тобын Жаңа жылмен құттықтау үшін Сириядағы Хмеймим әуе базасына ұшып бара жатқан.
Сонымен қатар, жолаушылар арасында БАҚ-тың тоғыз өкілі, "Әділетті көмек" қайырымдылық қорының басшысы, Доктор Лиза деген атпен белгілі Елизавета Глинка, екі федералдық мемлекеттік қызметкер болған.
