"Себептердің арасында техникалық ақау, экипаждың қателігі, нашар жанармай және теракт бар", – деді "Россия 2" телеарнасының жаңалықтар жүргізушісі.
Бұдан бұрын үкіметтік комиссияның жетекшісі, көлік министрі Максим Соколов қорғаныс министрлігіне тиесілі Ту-15 ұшағына қатысты әуе апатының себептері туралы айту әзірше ерте, материалдар жинастырылу үстінде деген болатын.
"Әзірше материалдар жинастырылуда, ол жұмыс тәулік бойы жүргізіледі. Әуежайдан, түрлі локаторлардан – жердегі ортақ локатордан, сондай-ақ Сочидегі локатордан мәліметтер алынады. Ертең теңіз түбін тексеретін арнайы гидролокатор келеді", – деді Соколов НТВ телеарнасының "Апта қорытындысы" бағдарламасының жүргізушісіне берген сұхбатында.
"Бұл апатқа қатысты қандай да бір нақты ақпарат айтуға әлі ерте", – деген еді министр.
Ал арнайы қызметтердегі дереккөздің айтуынша, Ту-154 ұшағының құлау себебін анықтау барысында теракт негізгі себеп ретінде қарастырылмайтынын мәлім етті.
