Әлеуметтік желілерде тараған мәліметтерге сәйкес, Түлкібас аудандық полиция бөлімінің және Түркістан облыстық Полиция департаментінің 28 қызметкері тәртіптік жауапкершілікке тартылып, бірқатары қатаң сөгіс алған, деп жазады inbusiness.kz сайты.
Бұл жағдайға қатысты Түркістан облыстық Полиция департаментінің баспасөз қызметі пікір білдіріп, ҚР Ішкі істер министрлігі мен департамент басшылығының нұсқауына сәйкес қызметтік тексеріс жүргізілгенін хабарлады.
– Қызметтік тәртіпті бұзу және жұмысындағы елеулі кемшіліктер үшін бірнеше қызметкер тәртіптік жазаға тартылды. Заң бұзушылықтың алдын алу және қызметтік тәртіпті нығайту бағытында жұмыстар тұрақты түрде жүргізіліп келеді, – делінген ведомство хабарламасында.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
