"Инфляцияға қарсы ден қою шараларының кешені жобасында министрік 11 жедел мерзімді және 8 орта мерзімді іс-шараны орындайды. Бұл – әлеуметтік маңызы бар азық-түлік тауарларын өндіру үшін басым дақылдардың егіс алаңдарын жасақтау мен көкөніс сақтау қуатын көбейту іс-шараларын қабылдау. Шикізат қорын дамыту үшін "Азық-түлік келісімшарт корпорациясы" ҰК" АҚ негізінде тұрақты жұмыс істейтін жемдік астық қорын қалыптастыруды, сондай-ақ жемдік астық және ірі азықты әкетуге уақытша сандық шектеу немесе тыйым салуды көздейтін азық өндірісін дамыту жөніндегі жол картасы әзірленеді", – деді Айдарбек Сапаров.
Оның сөзінше, бағаны тұрақтандыру үшін болжам негізінде бағаның ең көп өсімі күтілетін тауарлардың нақты түрлерін сатып алу мақсатында тұрақтандыру қорларының жұмысын қайта қарау керек.
Қанат Махамбет
