Ақмола облысының Аршалы ауданына қарасты Түрген ауылында 11-сыныпты жалғыз оқушы бітіріп шықты, деп хабарлайды ҚазАқпарат.
Алексей Деревянконың қатарластары 9-сыныптан соң колледжерге кетіп қалған екен. Осылайша Түрген орта мектебінің мұғалімдері соңғы екі жылдан бері 11-сыныптан тек Алексей Деревянконы оқытып келіпті. Ал түлектің өзі, алғашында бір сыныпта жалғыз оқу ерсі болғанын жасырмайды. Мектеп бітірген соң, Алексей Қарағандыға барып, автоэлектрик мамандығын оқуды жоспарлап отыр. Мұғалімдер жалғыз түлекке тіпті мектеп бітіру кешін ұйымдастырып бермек ниетте.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
