Қазақ құрылыс және сәулет ғылыми-зерттеу, жобалау институты жүргізген сараптамаға қарағанда, баспана нарығының тұрақсыздығына тікелей алып-сатарлардың кесірі тиген. Енді оны реттеу үшін ипотека мейлінше қолжетімді болуы тиіс. Ұлттық банк дерегінше, соңғы 10 жылда ипотекалық несиелендіру 3,7 есеге өскен. Мәселен, 2011-ші жылдан 2013-ші жылға дейін баспана үшін қарыз беру 37%-ға ұлғайса, 2014-2017 жылдары сұраныс керісінше төмендеген. Ипотека тым шарықтаған кезең 2017-ші жылдан бері жалғасып келеді. Өсім -2,8 есеге тең. Құрылыс қарқыны да бәсеңдемеген - 3 есеге ұлғайған. Салыстырып қарағанда, пәтердің бір шаршы метрі 2011-ші жылы 154 мың теңге тұрса, қазір 336 мың теңгеге қымбат.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
