Ұлттық статистика бюросының мәліметтеріне сүйенсек, бір айдың ішінде (2022 жылғы маусым 2022 жылғы мамырға) жаңа тұрғын үйді сату бағалары – 1,1%, пәтерлерді қайта сату 0,4% ғана өсті, деп хабарлайды inbusiness.kz.
Тұрғын үйді жалға алу төлемі алдыңғы аймен салыстырғанда маусымда 1,1%-ға төмендеді.
2022 жылғы маусым мен 2021 жылғы маусым аралығында қайталама нарықтағы пәтерлерді қайта сату бағасы – 26,8%, жаңа тұрғын үйлерді сату 19,5%-ға өсті.
2022 жылғы маусымда тұрғын үйді жалдау ақысы өткен жылғы тиісті аймен салыстырғанда 21%-ға артты.
Өңірлер арасында жаңа салынған пәтерлер бойынша жылдық мәнде баға Нұр-Сұлтан қаласында едәуір өсті – 27,9%-ға.
Қайталама нарықтағы пәтерлердің сатылымы бойынша бағаның ең жоғары өсімі – Қызылорда қаласында (46,7%) тіркелген. Ал тұрғын үйді жалға алу нарығында Алматы қаласында өсім (48,3%) айтарлықтай.
Құралай Құдайберген
