Елде тұрғын үй нарығындағы белсенділік едәуір артқан. Өткен жылы баспана сату-сатып алу бойынша 239 мың 600-дей келісімшарт жасалыпты. Бұл алдыңғы жылмен салыстырған 26% артық, деп хабарлайды Астана телеарнасы.
"Finprom" порталының мәліметі бойынша, барлық мәміленің 14,6% Астана қаласының үлесінде. Елордада 34,9 мың сату-сатып алу шарты түзілген. Екінші орында Алматы қаласы, мұнда пәтер алушылардың саны елдегі көрсеткіштің 14% құрапты. Жасалған келісімшарт саны - 33,4 мың. Үшінші орынға 10,4% көрсеткішпен Қарағанды облысы шықты. Баспана алу үшін жасалған келісім саны - 24,9 мың.
Сарапшылар тұрғын үй нарығындағы мұндай белсенділікті мемлекеттік бағдарламалардың табысты орындалуымен байланыстырады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
