/img/tv1.svg
RU KZ
Тұрғын үйді сатып алу-сату мәмілелерінің саны кеміген

Тұрғын үйді сатып алу-сату мәмілелерінің саны кеміген

Қаңтар-шілде аралығында 147 мыңнан аса тұрғын үйді сатып алу-сату мәмілесі жасалды.  

13 Тамыз 2020 11:16 124

Тұрғын үйді сатып алу-сату мәмілелерінің саны кеміген

«2020 жылғы шілдедегі тұрғын үйді сатып алу-сатудың тіркелген мәмілелерінің саны 26 688 құрады және өткен аймен салыстырғанда 16,9 % кеміді. 2020 жылғы қаңтар- шілдедегі тұрғын үйді сатып алу-сату мәмілелерінің саны өткен жылғы тиісті кезеңмен салыстырғанда 16,6 % кеміді»,– деп жазылған ҰЭМ Статистика комитетінің баспасөз қызметі.

 

 

Елімізде қолма-қол ақшасыз есеп айырысудың жаңа түрі енгізілді

Алғашқы мәміле Нұр-Сұлтанда жасалды.  

28 Тамыз 2020 19:18 287

Ұлттық Банк жылжымайтын мүлікпен жасалатын мәмілелерге қолма-қол ақшасыз ақы төлеудің жаңа тетігін енгізді. Арнайы сервис банктің, нотариустың және тіркеуші орган – «Азаматтарға арналған үкімет» мемлекеттік корпорациясы» КАҚ арасында ақпарат алмасуды автоматтандыру мақсатында жасалған.

«Жылжымайтын мүлікпен мәмілелерді қолма-қол ақшасыз нысанда жүргізу қосымша опция болып табылады және ерікті негізде ұсынылады. Мәмілеге қолма-қол ақшасыз ақы төлеу үшін жеке тұлғалар банкте эскроу-шот аша алады немесе нотариустың депозитін пайдалана алады. Нотариус немесе банк (үшінші тарап) мәміле тараптары арасында төлемнің жасалуына кепіл болады. Ақша жылжымайтын мүлікті (тұрғын үйді) сатушыға тіркеу органынан мәміле аяқталғаны туралы растауды алғаннан кейін бірден қолжетімді болады», – деді Ұлттық банк төрағасының орынбасары Есжан Біртанов.

Оның айтуынша жаңа сервис мәмілені жасасу процесін тез және қолайлы етуге, елде көрсетілетін қызметті цифрландыру деңгейін арттыруға мүмкіндік береді.

Сонымен қатар, бұл тәсіл ірі операциялар бойынша есеп айырысулардың қауіпсіздігін арттырады, жылжымайтын мүлік нарығында қолма-қол төлем кезінде алаяқтық немесе ақшаның жоғалу тәуекелін азайтады. Жылжымайтын мүлік сегментінде қолма-қол ақшасыз есеп айырысуларды кеңейту мемлекеттің көлеңкелі экономиканы төмендету жөніндегі міндеттеріне жауап береді.

Бұл ретте жаңа қызметтің көмегімен жасалған алғашқы келісім шарт 27 тамызда Нұр-Сұлтан қаласында жасалды.

«Нотариустың депозитін пайдалана отырып, қолма-қол ақшасыз есеп айырысумен жылжымайтын мүлікті сатып алу-сатудың алғашқы мәмілесі сәтті өтті. «Альфа Банк» ЕБ АҚ пилоттық банк болды. Қазіргі уақытта басқа банктер де осы жобаға қосыла алады», –  деп хабарлады реттеушінің баспасөз қызметі.

Магнитогорскіде жарылыстан көз жұмғандар саны 7 адамға жетті

Апат болған үйде 46 адам тұрған екен. Жойқын жарылыстан ондағы 26 пәтердің күл-талқаны шыққан.

01 Қаңтар 2019 12:39 581

Магнитогорскіде көпқабатты тұрғын үйде болған газ баллоны жарылысынан көз жұмғандар саны 7 адамға жетті, деп хабарлайды 24.kz.

Анықталғаны – апат болған үйде 46 адам тұрған екен. Жойқын жарылыстан ондағы 26 пәтердің күл-талқаны шыққан. Құтқарушылар өрт құрсауында қалып қойған 5 адамды қауіпсіз жерге көшіріп үлгерді, оның біреуі – бала. Зардап шеккендердің барлығы жақын маңдағы ауруханаға жеткізілген.

Апат орнына 500 құтқарушы мен 100-ден аса арнайы техника тартылған. Қазір олар үйіндіні аршып жатыр.