Елімізде 2020 жылдың шілдесіндегі көрсеткіш бойынша тұрғын жалға бару бағасы орта есеппен шаршы метріне 1,6 мың теңгеге жетті. Бұл бір жыл бұрынғы көрсеткіштен 9,5%-ға жоғары, деп хабарлады finprom.kz.
Егер маусым айымен салыстыратын болсақ жалға беру құны 0,4%-ға өскен.
Елімізде ең жоғары бағашаршы метріне 3,1 мың теңге елордада тіркелген. Бұл 2019 жылдың сәйкес кезеңінен 10,3%-ға жоғары. Сонымен қатар баға саясаты бойынша көш бастап тұрған қалалар тізімінде Алматы мен Ақтау да бар.
Ал Павлодарда жалға беру ақысы бірден 37,9%-ға қымбаттап, тұрғын үйді жалдаудың орташа құны шаршы метріне 1,7 мың теңгеге жетті. Талдықорғанда жалға алу ақысы 36,9%-ға, Таразда 15,4%-ға өскен.
Ең төмен баға Семейде тіркелген. Мұнда тұрғын үйдің шаршы метрін 1,2 мың теңгеге жалға алып тұруға болады.
Құралай Құдайберген
