"Азық-түлікке жатпайтын инфляция тамызда 7,3%-ға дейін жетіп, 0,1% тармаққа өсті. Азық-түлікке жатпайтын инфляция үлесі мамыр, тамыз айларында 0,94% тармақты құрады", – деді Ұлттық банк төрағасы.
Ерболат Досаевтың сөзінше, ақылы қызмет инфляциясы тамызда 6,6%-ға дейін өсті.
"Шекті тарифтердің көтерілуіне байланысты электр энергиясы бағасының өсуі 10,1%-ды құрады. Сұранысты қалпына келтіру аясында тұрғын үйді жалға алу бағасы, қоғамдық тамақтану, газ және жолаушылар әуе тасымалы бағасы өсті. Ұлттық банк болжамдық раундтың қорытындысы бойынша биыл жыл соңына қарай инфляция 7,5%-8,5% дәлізінде қалыптасады деп отыр. Оның төменгі шекарасы инфляцияға қарсы ден қою шараларының кешенін тиімді іске асыруды ескере отырып айқындалған", – деді Ерболат Досаев.
Қанат Махамбет
