Түркия, Әзербайжан, Қазақстан, Қырғызстан және Өзбекстанның кәсіподақ конфедерациясының төрағалары Әзербайжанның Шуша қаласында бас қосты.
Түркі мемлекеттері ұйымына мүше елдердің Шуша қаласында жиналуының маңызы бар. Аталмыш шаһар 2023 жылы түркі әлемінің мәдени астанасы болып жарияланды.
Бауырлас елдер бірлесе әрекет етуі керектігін айтқан Әзербайжанның кәсіподақ конфедерациясының төрағасы Саттар Мехбалиев түркі мемлекеттері ұйымына мүше елдердің кәсіподақ федерацияларының да күш біріктіруі қажет деді.
Ал Түркия кәсіподақ конфедерациясының президенті Аталай бауырлас елдердің дағдарысқа қарсы ортақ ұстаным көрсетуінің маңызды екенін айтты.
Қазақстан, Қырғызстан және Өзбекстанның ресми өкілдері де өз сөздерінде түркі мемлекеттері ұйымына мүше елдер арасындағы қарым-қатынастарды одан әрі дамыту және кәсіподақ ретінде қосатын үлеске тоқталды.
Жиын соңында "Түркі мемлекеттері кәсіподақ ұйымын" құру туралы келісімге қол қойылды.
