Кентау қаласының әкімі Жандос Тасов 100 жасқа толған Азтай Түкенбаеваның шаңырағына барып, құрмет көрсетті, деп хабарлайды inbusiness.kz сайты қалалық әкімдіктің баспасөз қызметіне сілтеме жасап.
Азтай Түкенбаева 1924 жылы Кентау қаласы Хантағы ауылында дүниеге келген. Жолдасы Аманқұл Түкенбаев тыл ардагері болған, 75 жасында дүниеден өтті. Ғасыр жасаған ана 4 қыз, 3 ұлды өмірге әкелді. Кейуананың 15 немересі, 23 шөбересі бар.
Ақпаратқа сәйкес, шаһар басшысы ғасыр жасаған анаға құттықтау хат және арнайы сый-сияпат табыс етті. Ақ жаулықты ана Азтай Түкенбаева қала басшысына алғысын айтып, ақ батасын берді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
