Толассыз жауған жаңбырдың салдарынан Түркістан облысының 3 ауданында (Қазығұрт, Бәйдібек, Сарыағаш) жеке тұрғын үйді, 21 ауланы су басып және 13 ірі қара мал қырылған. Бұл туралы inbusiness.kz Төтенше жағдайлар министрлігіне сілтеме жасап хабарлайды.
"26 қазанда сағат 01.00-ден 6.00-ге дейін Түркістан облысында үздіксіз жауын-шашын жауды. Қазығұрт, Бәйдібек, Сарыағаш аудандарындағы жеке тұрғын үйді, 21 аула аумағын су басты және 13 ірі қара мал қырылды. Сонымен қатар Қазығұрт ауылында 2 жасар баланың өз үйінің ауласында ересектердің қарауынсыз қалып, үйдің аумағындағы жаңбыр суы толған шұңқырға құлап, көз жұмғаны анықталды", - делінген хабарламада.
Төтенше жағдайлар министрлігі аталған үш аудандағы табиғат апатқа байланысты тұрғындарға ескерту жасады.
