Диқандар 32794 гектар жерге мақта, 15432,5 гектарға бақша, 1587 гектарға дәнді жүгері, 1045 гектарға көкөніс, 805 гектарға жаңа жоңышқа, 233,5 гектарға картоп және гектар жерге көпжылдық екпелер екті.
Сәуір айында ауа-райының қолайлы болуы шаруалардың көктемгі дала жұмыстарын жылдағыдан ертерек жүргізуіне бастама болды. 2023 жылы Мақтаарал ауданы ауыл шаруашылығы тауарын өндірушілеріне көктемгі дала жұмыстарын жүргізу үшін мемлекет тарапынан жеңілдетілген бағада 5655 тонна жанар-жағармай отыны бөлініп, бүгінгі таңға 1 литрі 206 теңгеден босатылуда.
Биыл мақта егу үшін аудан аумағындағы тұқым шаруашылықтары 1200 тонна мақта шитін дайындап алыс жақын шет мемлекеттерден (Түркия, Өзбекстан, Қытай) қосымша R-1 мақта шитінің тұқымдары алынды. Сонымен қатар көршілес Өзбекстан мемлекетінің "Наманган – 77" тұқымдық шиті аудан аумағында сынама ретінде 30 гектар алқапқа егілуде.
Көктемгі дала жұмыстарына барлығы 954 ауыл шаруашылығы тракторы, 415 чизель, 3876 тырма, 212 тұқым сепкіш техникалары қатысты. Биыл шаруаларға көмек беру мақсатында көктемгі дала жұмыстарын жүргізу үшін "Ырыс" микроқаржы ұйымы арқылы 374,1 млн. теңге және "Жетісай несие" ЖШС тарапынан 116 млн. теңгеден аса несие берілген.
Айта кетейік, былтыр 40,4 мыңнан аса гектар жерге мақта дақылы егіліп, аудан бойынша 106 мың тоннадан астам өнім жиналды. Орташа өнімділік 27 центнерге жеткен болатын. Биыл диқандар 35,7 мың гектар алқапқа мақта дақылын егуді жоспарлап отыр.
