Түркістан облысында 7 турист жоғалып кетті

1672

Оқыс оқиға Төле би ауданында болған.

Түркістан облысында 7 турист жоғалып кетті

Құтқарушылар Сайрам-Өгем ұлттық табиғи паркі аумағында жоғалған 7 адамды іздестіріп жатыр, деп хабарлайды inbusiness.kz.

25 мамырда 112 пультіне сағат 18:30-да 7 адамның жоғалғаны туралы хабарлама түскен.

"21 мамырда туристер "Сары-Айғыр" шатқалына жаяу бет алған. Құтқарушыларға хабарласқан адамның айтуынша, олар 24 мамырда үйге оралуы керек болған", - деді ТЖМ ресми өкілі Талғат Уәли.

Ол өткен тәулікте іздестіру тобы 37 шақырымға жуық таулы аймақты жаяу аралағанын атап өтті.

"Екі пилотсыз ұшу аппараты арқылы 4 шақырым радиуста бақылау жүргізілді. Іздестіру жұмысына 25 құтқарушы, 2 квадракоптер және 7 техникасы жұмылдырылды. Сондай-ақ 7 адамды полиция департаментінің 4 қызметкері мен 1 техникасы, жергілікті атқарушы органдардың 2 қызметкері мен 1 техникасы, ҰҚК Шекара қызметінің 3 ат патрулі, ұлттық парктің 10 қызметкері мен жоғалғандардың туыстары іздеп жатыр", - деді ресми өкіл.

Талғат Уәли ауа райының қолайсыздығына байланысты Шымкент қаласынан "Қазавиақұтқару" АҚ тікұшағы ұшай алмай отырғанын айтты.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу