Түркістан облысының полицейлері заңсыз ойын бизнесінің 8 дерегін анықтады, деп хабарлайды inbusiness.kz.
Түркістан облысы ПД ұйымдасқан қылмысқа қарсы күрес басқармасының қызметкерлері Сарыағаш қаласында ойын бизнесін ұйымдастырудың 8 дерегін анықтап, қызметіне тосқауыл қойды.
Атап айтқанда, жедел уәкілдер арнайы операция нәтижесінде сотты болғанына қарамастан қайта қылмыс жасап, заңсыз ойын бизнесін, яғни "электронды казино" ұйымдастырған Сарыағаш ауданының 2 тұрғынын анықтады.
Ойын мекемелері мен ұйымдастырушыларының тұрғылықты мекенжайын тінту кезінде аппараттық-бағдарламалық кешендер, техникалық құрылғылар, құжаттар, ақшалай қаражат және басқа да заттай дәлелдемелер алынды.
Қазір аталған жайттар бойынша ҚР ҚК-нің 307-бабы ("Заңсыз ойын бизнесін ұйымдастыру") сотқа дейінгі тергеу амалдары жүргізіліп жатыр.
Тергеу әрекеттерін жүргізу кезінде осы қылмысты жасауға қатысы бар өзге де адамдардың кінәсі анықталады. Оқиғаның толық мән-жайы тексеріліп жатыр.
