Биыл Ұлттық қордан Түркістан облысындағы 922 841 балаға қаржы аударылды, деп хабарлайды inbusiness.kz сайты.
Қазақстан азаматы саналатын 18 жасқа дейінгі барлық балаға 1 ақпан күні Ұлттық қордан алғашқы қаржы аударылды. Бағдарламаға еліміз бойынша 6 919 131 бала, ал Түркістан облысы бойынша 922 841 бала қатысушы ретінде тіркелген. Олардың барлығына 100 АҚШ доллары 52 цент мөлшеріндегі бірдей сома берілді.
"Жыл сайын Ұлттық қордың өсуі мен инвестициялық кіріс есебінен сома көлемі ұлғайып отырады. Шоттағы қаржыны бала кәмелет жасқа толғаннан кейін тұрғын үйге немесе білім алуға жұмсай алады. Жалпы Ұлттық қордың былтырғы инвестициялық жылдық кірісі 1,39 миллиард АҚШ долларын құрады", - деді Асылбек Ошанов.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
