Түркістан облысында дәретхана шұңқырына құлап кеткен 6 жасар бала құтқарылды, деп хабарлайды inbusiness.kz.
Төтенше жағдайлар министрлігі баспасөз қызметінің мәліметінше, биыл 23 қаңтарда "112" қызметіне Түркістан облысы Ордабасы ауданы Темірлан ауылында 2016 жылы туған бала тереңдігі 4 метр болатын дәретхана шұңқырына құлап кеткені туралы хабарлама түскен.
"Құтқару жұмыстарына Түркістан облысы ТЖД 5 құтқарушысы мен медициналық жедел жәрдем қызметінің 3 қызметкері жұмылдырылды. Олар түскі сағат 14:14-те баланы шұңқырдан арқанмен шығарып, жедел жәрдем қызметкерлеріне тапсырды", – деп жазылған хабарламада.
Дәрігерлер баланы тексеріп, үйіне жіберді. Бүгінде баланың жағдайы тұрақты.
ТЖМ ата-аналардан және ересектерден балаларды қараусыз қалдырмауды сұрайды.
