Түркістан облысында екі баласын өлтірді деген әйел ұсталды. Әйелді іздеуге облыстық полиция департаментінің барлық жеке құрамы, көршілес аймақтар мен мегаполистер бағытталды, деп хабарлайды inbusiness.kz сайты.
Барлық қажетті жедел-тергеу іс-шаралары жүргізілді.
"Қабылданған шаралардың нәтижесінде жедел уәкілдер күдіктіні Шымкент қаласындағы қонақ үйлердің бірінде ұстады. Адам өлтіру фактісі бойынша барлық мән-жайларды анықтау мақсатында тергеу жүргізілуде. Тиісті сараптамалар тағайындалды. Күдікті әйел қамауға алынды. Істің тергеу барысы менің жеке бақылауымда", - деп хабарлады Түркістан облысы Полиция департаментінің бастығы Мұрат Қабденов.
Еске салайық, бұған дейін Түркістанда жалдамалы пәтерден екі баланың денесі табылғанын жазған болатынбыз.
