Тергеу барысында Жамбыл облысының тұрғыны 2024 жылдың қазан айында Telegram әлеуметтік желісінде "Ислам үшін" атты парақша ашып, онда заңсыз террористік құрылым ретінде танылған "Мұсылман бауырлар" және "Өзбекстан-исламдық қозғалысы" халықаралық террористік ұйымдарының бейнематериалдарын таратқаны анықталды, деп жазады inbusiness.kz сайты.
Сондай-ақ, Түркістан облысының тұрғыны желтоқсан айында "WhatsApp" және "Facebook" әлеуметтік желілері арқылы бірнеше рет "Хизб-ут-Тахрир" діни экстремистік ұйымының бейнематериалдарын бөліскен.
Мемлекеттік айыптаушылар сот барысында сотталушылардың кінәсі толық дәлелденгенін мәлімдеп, оларды бас бостандығынан айыруды сұрады.
Сот үкімімен кінәлі тұлғаларға 7 жыл мерзімге бас бостандығынан айыру жазасы тағайындалып, жазаны қылмыстық-атқару жүйесінің қауіпсіздігі барынша жоғары мекемесінде өтеу белгіленді.
Үкімдер заңды күшіне енді.
