Газ мәселесіне қатысты бейнежазба әлеуметтік желілерде таратылды, оның кадрларында кезекте тұрған 30-ға жуық көлік құралдары көрсетілді, деп хабарлайды inbusiness.kz сайты.
Кейбір тұрғындар тұрмыстық газ баллондарын әкелді. Желі қолданушылары бұл Түркістан облысының Ордабасы ауданында болғанын жазды.
Алайда, Түркістан облысы әкімдігінің баспасөз қызметі Ордабасы ауданында мұндай оқиға болмағанын мәлімдеді.
"Зерттеу нәтижелері бойынша, көрсетілген бейнежазба Ордабасы ауданында жүргізілмегені анықталды. Аудан аумағында барлығы 29 автогаз құю станциясы бар, оның 8-і қазір тұрақты жұмыс істейді. Ал, жалпы ауданда 21,5 тонна газ бар. Сұйытылған газдың орташа бағасы 64-75 теңгені құрайды", - делінген хабарламада.
Сонымен қатар, әкімдік жеткізушілердің газды уақтылы жеткізбеуіне байланысты газдың жетіспейтіндігін жоққа шығармайды, тіпті осы мәселеге қатысты кейбір автогаздар жұмысын тоқтатты.
