Түркістан облысы Төтенше жағдайлар департаментінің баспасөз қызметі таратқан ақпаратқа сүйенсек, жеңіл автокөлік автогаз құю станциясына соқтығысқан, деп жазады inbusiness.kz сайты.
Салдарынан резервуардан газ ағып, кейін газ-ауа қоспасы тұтанып, жарылыс болды. Кейін өрт жақын маңда тұрған көлікке ауысқан.
Оқиға салдарынан екі адам оқиға орнында көз жұмды, үш адамды күйік шалды.
– Медицина қызметкерлері бір зардап шеккен адамды ауруханаға жатқызды, екі адам медициналық көмекке өз бетімен жүгінді. ТЖД қызметкерлерінің күшімен өрт толық сөндірілді, – делінген ведомства ақпаратында.
3 науқастың бірі дене жарақатына байланыст жансаықтау бөлімінде қайтыс болды. Қалған екі науқас орташа жағдайдағы дене жарақатына орай хирургия бөліміне ауыстырылды. Медициналық көмек толыққанды көрсетіліп жатыр.
